Malampuson nga gipahigayon sa Cebu City Police Office (CCPO) ang ilang unang Staff Conference para sa Calendar Year 2026 niadtong Enero 2, 2026, sa CCPO Conference Room, Camp Sotero Cabahug, Gorordo Avenue, Cebu City.
Ang maong komperensya gipangulohan sa Officer-in-Charge sa CCPO nga si PCOL George V. Ylanan
Mitambong sa personal ang CCPO Command Group ug Staff, samtang ang mga Station Commanders sa Police Stations 1 hangtod 13, mga hepe sa special units, ug mga force commander sa City Mobile Force Company mitambong pinaagi sa virtual nga pamaagi.
Gisentro sa agenda ang pagpresentar sa year-end accomplishment report sa CCPO ug ang pagpangandam ug koordinasyon para sa umaabot nga Sinulog Send-Off Ceremony, aron masiguro ang kalinaw ug kahapsay sa maong kalihokan sa siyudad.
Sa iyang mensahe, mipadayag og dakong pasalamat si PCOL Ylanan sa tanang kapulisan tungod sa ilang paningkamot sa pagpanalipod sa katawhan.
Matud pa niya, malinawon ug hapsay ang pagsaulog sa Bag-ong Tuig sa Cebu City, nga walay natalang insidente sa indiscriminate firing ug stray bullets. Gipasiugda usab niya nga ang disiplina, propesyonalismo, hugot nga pagpatuman sa balaod, ug lig-on nga presensya sa kapulisan sa mga komunidad maoy hinungdan sa mas luwas nga Bag-ong Tuig alang sa mga Sugboanon.
Source: CCPO
I via Renante Socia Lada