Mipahigayon ug courtesy call si OIC–Regional Executive Director sa Department of Agriculture (DA) Region IX, Dir. Vener L. Dilig, kauban si Planning Officer Angelito Losabia Tacan ug City Agriculturist Engr. Kerr N. Porlas, ngadto kang Dipolog City Mayor Hon. Roberto Y. Uy, kaniadtong Nobyembre 6, 2025, sa City Mayor’s Office.
Gipalig-on sa maong panagbisita ang padayon nga panag-usa sa DA ug sa Lokal nga pangagamhanan sa Dipolog aron mapauswag ang sektor sa agrikultura ug masuportahan ang mga mag-uuma sa dakbayan. Ang mga opisyal mihatag og updates sa karon nga mga programa sa agrikultura ug naghisgot sa dugang nga mga inisyatibo nga makatabang sa pagpadako sa produksyon ug paglambo sa panginabuhi sa mga mag-uuma.
Nagpabilin nga lig-on ang koordinasyon tali sa DA ug sa LGU Dipolog alang sa mas episyente ug mas lig-on nga implementasyon sa mga programa alang sa pagpalambo sa lokal nga agrikultura.(IKEN B. GULLEM)
Source: Dipolog City Government