Usa ka disgrasya sa motorsiklo ang nahitabo nga daling girespondehan sa usa ka opisyal sa Philippine Coast Guard (PCG) didto sa Barangay Road sa Brgy. Sinonoc, Dapitan City mga alas 2:00 ang takna sa kahapunon Nobyembre 8, 2025.
Ang maong aksidente miresulta sa pagka angol sa duha ka biktima nga daling gihatagan ug tabang pinaagi sa Deputy Station Commander sa Coast Guard Station Zamboanga del Norte, nga si ENS Mark Kevin O Periera PCG.
Sa gihimong inisyal nga assessment, giila ang mga biktima nga sila si Mr. Nedllyod Clarian (driver) ug Mr. Sario Dampalya (back rider), kinsa giingong gikan sa Dapitan City Proper human sa usa ka inom.
Nasayran nga sa ilang pagpauli, aksidenteng naigo sa back rider ang siko sa drayber hinungdan nga nawad-an kini ug kontrol nga maoy nahimong hinungdan nga nadasmag ang motorsiklo nga gimaneho-an.
Ang duha ka biktima nakaangkon og abrasion, ug gilayong si ENS Periera dali nga nakig-alayon sa CGSS Dapitan aron makig-alayon sa CDRRMO Dapitan alang sa medikal nga tubag.
Mga alas 2:10 sa hapon, niabot sa lugar ang mga personahe sa CDRRMO ug nihatag dayon og medical treatment ug assessment sa wala pa ihatod ang mga biktima sa ilang mga panimalay ug dayong adto sa tambalanan alang sa dugang medical check-up.
Kini nga insidente nagpasiugda sa dili matarug nga pasalig sa Philippine Coast Guard sa kaluwasan sa publiko ug serbisyo sa komunidad, samtang ang mga personahe niini nagpadayon nga andam sa pagtabang panahon sa mga emerhensya – sa dagat ug sa yuta.
Ang personahe sa PCG nipahimangno na ga ang pag drive ubos sa impluwensya sa alkohol hugot nga gidili ug kinahanglan nga likayan alang sa kaluwasan.(MEDALYN U. BORJA)
Source:CGS ZamboangaDelNorte