Gipasiugdahan sa 911 Tabang Center, uban sa Municipal Social Welfare and Development Office (MSWDO), ang usa ka donation drive campaign nga gitawag og “Tabang Gikan sa Taga-Labason” aron makatabang sa mga biktima sa lain-laing kalamidad.
Gidasig sa organisasyon ang mga Labasonian nga may mahigugmaong kasingkasing nga maghatag og donasyon sama sa sinina, bag, school supplies, pagkaon, bugas, grocery items, o pinansyal nga tabang. Ang MSWDO magkoordinar sa paghatod sa mga tabang ngadto sa mga benepisyaryo, ilabi na sa mga naapektuhan sa Probinsya sa Cebu.
Ang maong kampanya magpadayon isip inisyatibo sa pag-andam ug paghatag alternatibong tabang dili lang karon apan apil sa umaabot nga mga emerhensiya. Ang mga donasyon mahimong idrop sa 911 Tabang Center, Sikatuna Street, Barangay Imelda, Labason, Zamboanga del Norte.(JENIFFER JR. DELICA)
Source/Photo Courtesy: Labason Municipal Tourism