Malampusong na rescue ug gibuhian sa kadagatan dinhi sa Dipolog ang duha ka mga klase sa Pawikan nga gilangkuban sa duha ka mga hingkod nga pawikan nga Olive Ridley—usa ka laki ug usa ka baye ug duha usab ka Hawksbill sea turtle hatchlings nga nakit-an, na-rescue, nga na-turnover nga luwasnon, Nobyembre 9,2025
Ang mga pawikan ug mga pusang pawikan gibuhian pagbalik sa kadagatan pinaagi sa pagdumala sa mga personahe sa City Environment and Natural Resources Office (City ENRO) ug sa DENR-CENRO Manukan, diin gi susi aron matino ang kahimtang sa mga nasangpit nga Pawikan kung angayan naba kining buhian.
Nasayran nga usa ka residente sa Barangay Galas Dipolog nga si Mr. Jose Rone Almidilla kinsa hustong niluwas ug mi turn-over sa klase sa pawikan nga Olive Ridley.
Sa pikas bahin ang buhatan sa City ENRO isip mao ang buhatan nga nagapasiugda sa pag prote ktar sa mga marine species nipaabot sa ilang pasalamat ngadto sa mga indibidwal nga daling mitaho sa insidente ug mitabang sa pagsiguro sa kaluwasan sa maong mga pawikan.
Dugang pa, sila nagkanayon nga ang ilang buhatan nagpadayon sa pag-apelar sa publiko nga i-report dayon sa ilang hingtungdan kung adunay susamang mga klase sa pawikan ang makit-an, aron gilayon nga maprotektaha kini ug mapadayon ang pagkonserbae sa hustong pagdumala sa hingtungdan sa City Environment and Natural Resources Office (City ENRO).(MEDALYN U. BORJA)
Source: Dipolog ENRO