Dakpan ang usa ka wanted person nga nag atubang sa kasong paglapas sa RA 11199 (Social Security Act of 2018) ,mga alas 2:30 ang takna sa kahapunon, niadtong Disyembre 18,2025,didto sa Barangay Dawo, Dapitan, Zamboanga del Norte.
Ang maong dinakpan nga wanted person naila nga si alyas “Chiu” , 33-anyos, lalaki, minyo, self-employed,ug residente sa susamang Barangay kinsa gidakop tungod sa paglapas sa Sec. 22 (A) kalabot sa Sec. 22 (D), 28 (E) ug (F) sa RA 11199 (Social Security Act of 2018).
Ang pagkasikop gihimo pinaagi sa mga operatiba sa Dapitan City Police Station uban sa mga operatiba gikan sa 5th SOU Mabuhay SBC, 901st RMFB 9 ug 1st ZNPMFC pinaagi sa warrant of arrest nga gi-isyu ni Presiding Judge Felin Revelo Legara-Comidoy sa RTC, Ninth Judicial Region, Branch 8, Dipolog City, Zamboanga Del Norte nga naka-docket ubos sa Criminal Case number 28479 nga gipetsahan ug Disyembre 17, 2025 nga adunay piyansa nga girekomendar nga mobalor sa Php 72,000.00.
Ang dinakpan gipahibalo sa hinungdan sa iyang pagkadakop ug katungod sa konstitusyon sa usa ka diyalekto nga hingpit niya nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO