Nakadakop ang kapulisan sa usa ka 46-anyos nga lalaki sa Barangay Cawa-cawa, Dapitan City pinaagi sa gipahigayon nga search warrant operation nga nalambigit sa paglapas sa Republic Act 9165 o Comprehensive Dangerous Drugs Act of 2002. Nakumpiska ang ginapatuyang shabu nga adunay gibanabana nga timbang nga 2 gramos ug kantidad nga ₱13,600.
Gihiusa sa Dapitan City Police Station ang operasyon uban sa mga operatiba sa 5th Special Operations Unit Maritime Group ug 1st Zamboanga del Norte Provincial Mobile Force Company. Anaa karon sa kustodiya sa Dapitan CPS ang suspetsado samtang ang nakumpiskang ebidensya gisumite sa Zamboanga del Norte Provincial Forensic Unit 9 para sa chemical examination.
Nag-awhag ang Dapitan CPS sa publiko nga magmatngon ug dayon nga motaho sa bisan unsang drug-related nga lihok aron mapalig-on ang paningkamot sa komunidad batok sa ilegal nga droga.(JENIFFER JR. DELICA)
Source/Photo Courtesy: Dapitan City Police Station ZNPPO