Gipahigayon sa Municipal Nutrition Office ang Joint Meeting sa Municipal Nutrition Council o MNC ug Local Health Board o LHB aron palig-onon ang mga programa sa nutrisyon ug kahimsog alang sa katawhan sa Piñan.
Gilatid sa miting ang presentasyon sa accomplishment report sa Municipal Nutrition Office, ang update sa nutritionally-at-risk nga mabdos, ang progreso sa Adopt-a-Malnourished Program, ug ang plano sa Operation Timbang Plus alang sa Enero hangtod Marso 2026. Apil usab ang report sa Municipal Health Office, update sa Zero Open Defecation Program, ug iskedyul sa deworming sa Enero 2026.
Nagpabilin ang lokal nga kagamhanan sa pagpadagan og lig-on nga programa sa nutrisyon ug kahimsog aron masiguro ang mas himsog ug lig-ong komunidad sa Piñan.(JENIFFER JR. DELICA)
Source: Mayor Rommel Gudmalin