LILOY, ZAMBOANGA DEL NORTE — Nakadawat og dakong pasidungog ang Liloy Fire Station human mailhan isip Most Outstanding Implementor sa Region IX atol sa Fire Prevention Month 2026.
Nakuha ang maong pagkilala tungod sa ilang Open-House Activity diin 22 ka estudyante gikan sa Assumption of Mary Parochial School Inc. nakakat-on sa fire safety pinaagi sa actual nga demo, pagtan-aw sa kagamitan, ug pag-ila sa trabaho sa mga bombero.
Gihatag ang award niadtong nilabay nga adlaw sa Fire Prevention Month Culmination Program sa Bureau of Fire Protection Region IX nga gipahigayon sa Subanen Hall, Provincial Government Center.
Nagpasabot ang estasyon nga ang maong award bunga sa ilang tinuoray nga serbisyo ug padayon nga kampanya sa pagpanalipod sa komunidad batok sa sunog.(JENNIFER JR. DELICA)
Source: BFP R9 Liloy Fire Station