Naluwas sa dali nga aksyon sa kapulisan ang duha ka indibidwal nga kalit nga nalaya atol sa misa sa Easter Sunday.
Mitubag dayun ang mga personahe sa 1st Zamboanga del Norte Provincial Mobile Force Company (1st ZNPMFC), pinaagi sa 4th FOB Platoon sa insidente ug naghatag og unang tabang sa duha ka pasyente aron mapalig-on ang ilang kahimtang.
Human sa initial nga pag-atiman, gilayon silang gidala sa MDRRMO Sindangan padulong sa ospital alang sa dugang nga pagtambal.
Sumala sa kapulisan, ang maong insidente nagpakita sa ilang kahandaan ug paspas nga pagresponde sa emerhensya aron masiguro ang kaluwasan sa publiko.(JENNIFER JR. DELICA)
Source: Zamboanga del Norte 1st Provincial Mobile Force Company