KATIPUNAN, ZAMBOANGA DEL NORTE — Malampusong gipahigayon sa BFP Katipunan Municipal Fire Station ang usa ka morale and welfare activity uban sa Troop Information and Education (TI&E) aron mapalig-on ang disiplina, propesyonalismo, ug dedikasyon sa serbisyo publiko.
Gipasiugda sa kalihokan ang mensahe ni FO1 Edgar C. Bulat-ag Jr., nga naghatag inspirasyon pinaagi sa kahulugan sa LENT—Learn, Experience, Nurture, ug Teaching—nga nagtudlo sa kahinungdanon sa kinabuhi nga adunay katuyoan, sakripisyo, ug lig-on nga prinsipyo.
Sumala kaniya, ang tinuod nga kabayanihan dili lamang makita sa pagluwas og kinabuhi, kundili sa adlaw-adlaw nga pagkinabuhi nga may integridad ug responsibilidad.
Natapos ang kalihokan pinaagi sa pormal nga turnover of troops aron masiguro ang padayon nga kahandaan ug hapsay nga pagpadayon sa serbisyo sa tanang oras.(JENNIFER JR. DELICA)
Source: BFP R9 Katipunan Fire Station