Mas gipadul-an na sa Provincial Government sa Zamboanga del Norte ang mga programa ug serbisyo sa agrikultura ngadto sa mga mag-uuma pinaagi sa 5-day “EGBU Scale-Up” Information Caravan nga gipahigayon sugod Pebrero 9 hangtod 13, 2026. Ang caravan molibot sa 25 ka lungsod ug 2 ka siyudad sa probinsya aron masiguro nga maabot ang mga programa ug serbisyo bisan paman sa hilit nga lugar.
Upat ka grupo sa OPAg personnel ang gipakatap aron mopahigayon og seminars ug pagbansay sa bag-ong teknolohiya, pag-avail sa agricultural subsidies, teknikal nga tabang, ug paggamit sa post-harvest facilities. Nakigtambayayong usab ang mga mayor, municipal agriculturist, ug mga organisasyon sa mag-uuma ug mangingisda alang sa organisado nga implementasyon.
Gipalig-on usab sa caravan ang market access sa mga mag-uuma pinaagi sa pagdugtong nila sa “Tabuan sa EGBU” ug “Kadiwa ng Pangulo,” nga naghatag og mas lapad nga oportunidad sa pagpamaligya sa ilang produkto ug pagtaas sa kita.
Pinaagi sa maong inisyatibo, gitinguha sa probinsyal nga pangagamhanan nga mapalig-on ang produksyon sa agrikultura ug maandam ang mga mag-uuma alang sa 2026 planting season sa tibuok Zamboanga del Norte.(JENIFFER JR. DELICA)
Source: Zamboanga del Norte Provincial News Network