Giablihan na sa Provincial Government of Zamboanga del Norte ang Swimming Pool sa probinsya human maaprobahan ang pag amendar sa ordinansa nga nagdumala sa paggamit sa maong pasilidad.
Sumala sa probinsyal nga pangulohan, mahimo nang magamit sa mga residente ug bisita ang swimming pool ubos sa bag-ong giya ug bayranan. Ang singil alang sa walk-in swimmers kay ₱80.00 matag sesyon, samtang ₱600.00 matag bulan alang sa mga regular nga tiggamit sama sa mga atleta ug miyembro sa accredited swimming clubs o asosasyon.
Abli ang pasilidad gikan alas 6:00 hangtod 10:00 sa buntag ug alas 3:00 hapon ngadto na sa alas alas 8:00 sa gabie, Lunes hangtod Sabado, samtang maintenance day ang Domingo. Mahimong isira ang pool alang sa maintenance, opisyal nga kalihokan, kalamidad, o kung adunay hulga sa kaluwasan sa mga tiggamit.
Gidasig sa mga opisyal ang publiko nga pahimuslan ang pasilidad samtang nagsunod sa tanang balaod ug safety regulations. Alang sa dugang impormasyon, mahimong moduol sa Zamboanga del Norte Cultural and Sports Center ug pangitaon si Mr. Reggie de la Victoria.(JENIFFER JR. DELICA)
Source: Zamboanga del Norte Provincial News Network