Mas sayon na karon ang pagpangita og direksyon sa Dipolog Boulevard human opisyal nga gitugyan sa City Government ang bag-ong gipahimutang nga mga signages sa usa ka yano nga seremonya niadtong Huwebes.
Gitambongan ang kalihokan ni City Councilor Hon. Kenny Val U. Ong ug City Administrator Atty. Valerie Hope Jauculan-Flores, nga nangulo sa pormal nga turnover sa mga karatula nga gibutang tali sa Tourism Office ug Boulevard Office.
Sumala sa lokal nga panggamhanan, ang maong inisyatibo kabahin sa padayon nga pagpaayo sa pampublikong imprastraktura aron mas mapalambo ang kahapsay sa dagan sa mga tawo sa maong lugar.
Gipasiugda usab sa mga opisyal nga ang klaro ug organisadong signages makatabang sa pagpalig-on sa accessibility, kaluwasan, ug mas maayong kasinatian sa mga residente ug turista nga mobisita sa boulevard.(IKEN B. GULLEM)
Source: Dipolog City Government