Nagmalampuson ang gipahigayon nga drug buy-bust operation sa mga personahe sa ZNPDEU pinangulohan ni PCPT JEOFFERD S CELESTINO (Lead Unit),sa DIPOLOG CPS ang usa ka notadong Street Level Individual mga 11:00 ang takna sa kagabhion Hulyo 19, 2025,didto sa Sitio Tubod, Barangay Galas, ning dakbayan sa Dipolog.
Ang maong dinakpan naila nga si MARCELINA ARAWAN MACION 49 anyos, walay trabaho, ug nagpuyo sa ,Relocation Olingan,Dipolog City kinsa nakuhaan sa operatiba ug 5 ka gramos nga Shabu pinaagi sa Buybust Operation.
Atol sa operasyon nakumpiska gikan sa suspek ang Usa ka piraso nga gamay nga gidak-on nga heat-sealed transparent plastic sachet nga adunay puti nga substansya nga gituohang “shabu” isip buybust item,Usa ka piraso nga medium size nga heat-sealed transparent plastic sachet sa gituohang “shabu” isip posesyon,Usa ka piraso nga usa ka libo ka pesos isip buy bust money ug Usa ka unit nga cellular phone Samsung brand color gray.
Ang narekober nga Drug Evidence, gibanabanang mutimbang sa 5 gramos nga adunay standard nga presyo nga Php 34,000.00.
Ang mga nakumpiska nga drug items i-turn over sa ZDN Provincial Forensic Unit para sa eksaminasyon samtang ang nasikop nga suspek gitanggong ubos sa protective custody sa DIPOLOG CPS alang sa tukmang disposasyon.(Medalyn U. Borja)
Source: ZNPPO