Sa nagpadayong kampanya batok sa kriminalidad,usa ka natodang kawatan ang nasikop sa gihimo nga hiniusang operasyon sa mga operatiba sa Dapitan City Police Station, uban sa koordinasyon sa mga personahe sa 5th SOU MG ug 901st MC, RMFB9, sa may alas 3:00 ang takna sa kahapunon, niadtong Agusto 12,2025 didto sa South Proper, Brgy. Galas, ning dakbayan sa Dipolog.
Ang maong dinakpan naila nga alyas “Ren” 37 anyos, ulitawo, usa ka wanted ug residente sa Brgy. Guinles, Polanco, Zamboanga del Norte.
Ang pagdakop gihimo pinaagi sa usa ka Warrant of Arrest alang sa krimen nga Qualified Theft ubos sa Criminal Case No. 28135, nga giisyu ni Presiding Judge Hon. Anabelle Abella Anggot-Obordo sa Regional Trial Court, 9th Judicial Region, Branch 7, Dipolog City, Zamboanga del Norte, pinetsahan Agosto 12, 2025, nga adunay piyansa nga P60,000 alang sa iyang temporaryong kagawasan.
Gipahibalo gilayon ang dinakpan sa hinungdan sa iyang pagka sikop lakip ang iyang mga katungod sa konstitusyon ug gidala sa kustodiya sa Dapitan CPS alang sa tukmang disposasyon.(Medalyn U. Borja)
Source: ZNPPO