Tanggong sa prisohan ang usa ka 29 anyos nga ulitawong walay trabaho, og mi-sideline kini sa pagpamaligya og ginadili nga drogang shabu, diin kini nasikop pinaagi sa gipahigayon nga intelligence-driven anti-illegal drug buy-bust operation, nga gipangunahan sa mga personahe sa Sirawai Municipal Police Station, ubos sa koordinasyon sa mga personahe sa 905th Maneuver Campany – Regional Mobile Force Batallion-9 (MC-RMFB9), didto sa Barangay Pula Bato, Lungsod sa Sirawai, ning Probinsiya sa Zamboanga del Norte, niadtong nakalabay’ng adlaw Agusto 11, 2025, sa may alas 6:20 sa sayong gabie.
Subay sa pahayag nga giluwatan sa Siocon Pnp, nga nasikop nila ang suspetsadong naila sa Alyas nga George, diin residente ra usab kini sa nasangpit nga lugar, tungod kay posetibo kining kakuhaan og 2 ka gagmay’ng putos nga naka Heat-Sealed Transparent Plastic Sachets nga adunay sulod nga White Crystalline Substance ug kini gituohang Shabu, diin gibana-bana ang gibug-aton niining mokabat sa 0.5 gramos, maingon man, gibana-bana usab ang kantidad niining mokabat ngadto Php3,400.00, base sa Estimated Street Value niini.
Atol sa nahisgutang operasyon, nakuha usab pagbalik ang usa ka tibuok nga Php500.00 nga maoy gigamit isip Buy-Bust Money. Pagkahuman nga nasikop ang suspetsado, gidala una kini ngadto sa Rural Health Unit Sirawai, Zamboanga del Norte, alang na sa Medical ug Physical nga eksaminasyon, Sa kasamtangan, ang nasangpit nga dinakpan atua ubos sa kustodiya sa Sirawai Municipal Police Station, alang na sa tukmang disposisyon.(Julius Esmade)
Source: ZNPPO