Opisyal nga gisugdan sa National Irrigation Administration–Zamboanga del Norte Regional Sub-Office (NIA-ZDNRSO) ang tuig 2026 atol sa “Ushering 2026” activity kaniadtong Enero 12, 2026, nga nagtigom sa mga kawani sa ahensya aron palig-onon ang panaghiusa, disiplina, ug komon nga tumong sa serbisyo publiko.
Gipangunahan sa temang “Ready. Set. Flow!”, gipakita sa kalihokan ang kahandaan sa NIA nga padayon ug lig-on nga molihok sa paghatag og episyente nga serbisyo sa katawhan.
Nagsugod ang programa sa flag-raising ceremony, gisundan sa ribbon-cutting ug tying of commitments nga nagsimbolo sa panagtinabangay, kahusayan, ug dedikasyon sa matag kawani, gikan opisina hangtod sa field operations.
Gitapus ang kalihokan pinaagi sa mensaheng makapadasig ug wine toasting nga gipangunahan ni Engr. Marie Therese T. Taladua, Acting Manager sa NIA-ZDNRSO, nga nagpasiugda sa pasalamat, panagkauban, ug positibong panan-aw alang sa usa ka produktibo ug makahulugang 2026.(IKEN B. GULLEM)
Source: NIA ZAMBOANGA PENINSULA