Modawat na karon og nominasyon ang National Commission for Culture and the Arts (NCAA) alang sa 2023 Young Historians Prize.
Kini ang nasayran human mipakanaog og kamandoan ang Department of the Interior and Local Government (DILG) ngadto sa tanang rehiyonal ug lokal nga kagamhanan nga suportaan ug dasigon ang tanang dunay potensiyal dinha sa pagsulat sa kasaysayan sa Pilipinas.
Alang niadtong gusto nga mosalmot sa 2023 Young Historians Prize, gikinahanglan nga kini usa ka Filipino citizen nga nagpangidaron og 21-40 anyos  panahon pag submite niini sa iyang sinulat, kinahanglan usab nga orihinal ang sinulat niini ug siya lamang ang nagsulat sa konsepto kon single authorship.
Kini og adun pay pipila ka  gabayan ang angayang sundon aron mahilakip sa nasangpit nga nominasyon.
Nasayrang ang katapusang adlaw sa pag-submit ang gikatakda sa umaabot Marso 30 ning tuiga. Ipadala lamang ang tanang dokumento niining address:
The Young Historian’s Prize Secretariat
Program Management Division
Cultural Heritage Division
The National Commission for Culture and the Arts
NCCA Building, 633 General Luna St., Intramuros 1002 Manila
Sa dugang kasayuran ug impormasyon, mo coordinate lamang Young Historian’s Prize Secretariat pinaagi sa telepono numero (02) 8527-2192 local 308 o kaha sa email address nga sch@ncca.gov.ph. Mahimo usab nga mobisita sa website nga ncca.gov.ph alang sa dugang detalye kabahin niini.
(Source: Dipolog City Government Facebook page)