Dungan sa pagsaulog sa World Oceans Day,ang buhatan sa CENRO Piñan,misalmot sa gipahigayon nga Nationwide Coastal Clean-Up, nga gipahigayon niadtong Hunyo 7, 2024, didto sa Sta. Cruz, dakbayan sa Dapitan, Zamboanga del Norte.
Ang maong kalihokan gipangulohan ni CENR Officer Adelaida R. Borja, diin ang maong buhat nahisubay sa tema nga “Awaken New Depths”.
Gisalmotan kini sa Barangay Local Government Unit sa Sta. Cruz, Dapitan City Local Government Unit, Philippine Coast Guard, PNP Maritime Group, Bureau of Jail Management and Penology, ug Dapitan City Police Station, diin 140 ka indibidwal, lakip ang mga partisipante gikan sa CENRO Piñan.
Sa kinatibuk-an ang mga partisipante nakakolekta og baynte ka sako sa non-biodegradable nga basura, nga motimbang sa gibana-bana nga 61 ka kilo ug gitugyan sa BLGU ngadto sa mga collector alang sa hustong paglabay niini. (Medalyn U. Borja)
(Source: DENR Zamboanga Peninsula)