Gipasidunggan sa City Government of Dapitan ang batan-ong Taekwondo athlete nga si Justice Heart Neuhmi R. Calasang human siya makasungkit og gold medal sa national competition.
Gipasigarbo sa lokal nga panggobyerno ang nahimo ni Calasang sa 2026 SMART MVP Sports Foundation National Taekwondo Championships diin iyang gidaug ang Kyorugi Bantamweight Category nga gipahigayon sa Ninoy Aquino Stadium sa Manila niadtong Hulyo 25–26, 2026.
Kini nga national victory maoy pinakabag-ong kalampusan sa usa ka sunod-sunod nga maayong performance sa regional ug national competitions karong tuiga.
Sa wala pa ang national championships, nakadaog usab si Calasang og gold medal sa 2nd Inter-LGU SMART MVP Sports Foundation Regional Interschool Taekwondo Championships sa San Carlos City, Negros Occidental niadtong Hulyo 12.
Narepresentahan usab niya ang Region IX sa Palarong Pambansa 2026 ug nakakuha og bronze medal sa PRISAA National Games, samtang nakasungkit usab siya og gold sa PRISAA Regional Games, Dipolog City Meet, ug ZANDIDAA Triangular Meet.(IKEN B. GULLEM)
Source: Dapitan City Government