Padayon karong adlawa, Hulyo 29, ang KADIWA ng Pangulo didto sa Provincial Capitol Plaza, Estaka, Dipolog City, diin gihatagan og kataposang higayon ang publiko nga makapalit og nagkadaiyang lokal nga produkto sa mas barato nga presyo.
Gikan alas 8:00 sa buntag hangtod alas 3:00 sa hapon, mahimong mamalit ang publiko og preskong prutas ug utanon, produktong pangisda, mga ani sa uma, ug uban pang lokal nga produkto nga direktang gikan sa mga mag-uuma, mangingisda, ug lokal nga producers.
Gipahigayon sulod sa duha ka adlaw, Hulyo 28 hangtod 29, gitumong sa KADIWA ng Pangulo ang pagdugtong sa mga lokal nga producers ug konsumidor aron mas mapalapad ang merkado sa ilang mga produkto ug mahatagan ang publiko og access sa presko ug abot-kayang mga palaliton.
Gidasig ang publiko nga pahimuslan ang kataposang adlaw sa kalihokan ug suportahan ang lokal nga produksyon pinaagi sa pagpalit sa mga produkto sa atong mga mag-uuma ug mangingisda.(IKEN B. GULLEM)
Source: Zamboanga del Norte Provincial News Network