Gisugdan sa City Government of Dipolog ang on-site evaluation sa 10 ka mga eskwelahang miapil sa Gulayan sa Paaralan Contest isip kabahin sa pagpalambo sa nutrisyon, food security, ug pag-atiman sa kinaiyahan.
Gipahigayon ang ebalwasyon pinaagi sa City Nutrition Office uban sa City Agriculture Office, City Information Office, ug Department of Education. Gisusi sa inter-agency evaluation team ang matag school garden base sa gitakdang criteria sa kompetisyon.
Tumong sa Gulayan sa Paaralan Program ang pagdasig sa mga eskwelahan sa pagmentinar sa produktibong tanaman sa gulay aron masuportahan ang nutrition education ug mapalambo ang himsog nga pamaagi sa pagkaon ug pag-atiman sa kalikupan sa mga estudyante.
Pinaagi sa panagtinabangay sa mga eskwelahan ug mga partner agencies, gipalig-on sa Dakbayan sa Dipolog ang mga programa nga nagdasig sa mas himsog, produktibo, ug malungtarong palibot sa pagkat-on.(JENIFFER JR. DELICA)
Source: Dipolog City Government