Nagsaulog ang Dakbayan sa Dipolog sa iyang ika-113 nga Adlaw karong Hulyo 1, 2026 pinaagi sa grand parade ug Founding Anniversary Program nga gipahigayon sa D’Food Hub & Events Center.
Gipangulohan ang selebrasyon ni Dipolog City Mayor Roberto Y. Uy uban ni Vice Mayor Atty. Senen Angeles, mga konsehal sa siyudad, Zamboanga del Norte Governor Darel Dexter T. Uy ug mga Board Members sa Ikaduhang Distrito, ingon man si Dapitan City Mayor Evelyn T. Uy.
Nakigbahin usab sa maong kasaulogan ang mga empleyado sa lokal nga panggamhanan, mga opisina sa nasyonal nga gobyerno ug lainlaing stakeholders nga nagpakita sa ilang suporta sa anibersaryo sa pagkatukod sa dakbayan.
Ang ika-113 nga Adlaw sa Dipolog nagtumong sa pagpasidungog sa kasaysayan, kultura ug kalampusan sa siyudad, samtang gipalig-on ang panaghiusa sa mga Dipolognon pinaagi sa nagkalainlaing kalihokan nga kabahin sa maong selebrasyon.(JENIFFER JR. DELICA)
Source: Dipolog Tourism