Pormal nga gisugdan sa Municipal Government of Salug ang selebrasyon sa 52nd Nutrition Month pinaagi sa Opening Parade niadtong Hulyo 1, nga nagdala sa temang “Nutrisyon at Kalikasan: Ating Pangalagaan.”
Gipangunahan ni Municipal Mayor Dr. Ruth M. Brillantes ang kalihokan uban ni Municipal Nutrition Action Officer Ailyn Lomarda, mga opisyal sa lungsod ug barangay, miyembro sa Sangguniang Bayan, department heads, health workers, Barangay Nutrition Scholars, mga magtutudlo, estudyante, ug nagkadaiyang sektor sa komunidad.
Tumong sa maong selebrasyon ang pagpalig-on sa kahibalo sa publiko sa importansya sa hustong nutrisyon ug pag-atiman sa kalikupan isip duha ka mahinungdanong haligi sa pagtukod og himsog ug lig-on nga komunidad.
Padayon nga ipahigayon sa lokal nga panggamhanan ang nagkalainlaing kalihokan atol sa Nutrition Month aron mapalambo ang kahimsog sa katawhan ug mapalig-on ang partisipasyon sa komunidad sa mga programa sa nutrisyon ug pagpanalipod sa kinaiyahan.(IKEN B. GULLEM)