Naghiusa ang mga miyembro sa City Peace and Order Council (CPOC) ug City Anti-Drug Abuse Council (CADAC) sa ilang 2nd Quarter Joint Meeting niadtong Hunyo 30, 2026 aron palig-onon ang mga programa sa pagmintinar sa kalinaw, kahapsay ug kampanya batok sa iligal nga droga sa Dakbayan sa Dipolog.
Gipangulohan ang maong miting ni City Vice Mayor Senen O. Angeles uban sa mga opisyal sa lokal nga panggamhanan, Philippine National Police (PNP), Department of the Interior and Local Government (DILG), ug ubang ahensya nga kabahin sa peace and order ug anti-drug initiatives sa siyudad.
Lakip sa gihisgutan ang kasamtangang peace and order situation gikan Abril 2026 hangtod karon, kahimtang sa Barangay Drug Clearing Program, drug situation sa siyudad, ug ang pagpresentar sa Dipolog City Drug-Free Workplace Policy ubos sa Ordinance No. 26-377.
Gitambongan usab ang kalihokan sa mga representante sa nagkalainlaing national ug local government agencies, non-government organizations, AFP, PNP, BJMP ug BFP, nga nagpalig-on sa ilang panaghiusa aron mapadayon ang kalinaw, kaluwasan ug usa ka drug-free nga Dakbayan sa Dipolog.(JENIFFER JR. DELICA)
Source: Dipolog City Government