Sikop ang usa ka lalaki nga nailhan sa alyas “Etham” ,25 anyos,single,walay trabaho ug kasamtangan palamang nga nag eskwela sa sekondarya,nga nagpayuhot sa illegal nga druga kun Shabu, sa may 3:40 sa hapon, didto sa Barangay Bolicon,Turno Dipolog City.
Ang suspetsado nasakmitan sa usa(1) ka gamay nga pakete nga adunay sulod nga gituhuang shabu, laing tulo(3) ka pakete nga aduna sa gihapon sulod sa illegal nga drugang shabu, 500 pesos nga tibuok isip mark money nga adunay marka numero FF115412. Ang mga nakompiskang druga adunay kinatibuk-ang timbang sa 2gramos nga mokantidad sa standard drug price sa 13,600 ka pesos. Lakip usab sa nasakmit ang usa ka motorsiklo Honda Beat, color yellow adunay plate number 1163JR lakip sa yawe niini nga maoy gikatahong gimaneho atol sa pagkasikop sa nahisgutang suspek.
Ang operasyon gipanguluhan sa mga personahe sa ZNPDEU uban sa koordinasyon sa Dipolog PNP.
Sa pagkakaron ang mga nakompiska nga ebedinsya ang gi turn- over na gilayon sa ZDN Provincial Forensic Unit para sa eksaminasyon. Ug ang suspetsado ang anaa na gikostudiya sa Dipolog PNP ug mag atubang sa kasong paglapas sa RA9165 kung comprehensive dangerous drug act of 2002.(Angelica T. Obina)
Source Dipolog PNP