Sikop ang usa ka indibidwal kinsa nagpayuhot sa ginadiling drugang shabu atol sa gipahigayon nga drug buy bust operation sa mga kapolisan didto sa Sitio Bucana, Barangay Osukan, Labason, Zamboanga del Norte Abril 1, 2025
Ang dinakpan nailhan sa pangalan nga si alyas Roland, 37 anyos ang panuigon ug gikatahong kanhi membro sa dugay ng nabungkag nga Lumarang Criminal Group ug residente sa nahisgutang lugar.
Nakuha gikan sa suspetsado ang usa ka gamay nga pakete sa shabu isip buy- bust money sa pagkasikop.
Apil sa nakompiska sa iyang posisyon ang 6 ka medium size nga pakete ug lain nga 19 ka putos sa nga gagmayng pakete sa shabu ug mga drug paraphernalias.
Sa kinatibuk-an total adunay 7 gramos ang nakompiska nga shabu nga adunay standard drug price nga Php47,600.00
Ang maong operasyon Gipanguluhan sa mga personahe sa Labason Municipal Police Station ingon man sa koordinasyon sa 2nd PMFC, 97th IB Philippine Army, ug PDEA ZN.
Ang mga nakuha nga ebidensya ang gidala dayun ngadto sa Zamboanga del Norte Provincial Forensic Unit sa Liloy alang sa qualitative and quantitative examination, samtang ang dinakpan ang anaa na sa selda sa Labason MPS,ug mag atubang sa kasong paglapas sa RA 9165 kun Comprehensive Dangerous Drug Act of 2002.(Angelica T. Obina)