Subay sa pagpangulo ni Governor Rosalina “Nanay Nene” Jalosjos sa pagsaulog sa gikahidlawan nga Hudyaka ZaNorte Festival, kinasingkasing nga nagpasalamat si Atty. Ivan Patrick Ang sa tanan nga miduyog ug misalmot nga nagmalampuson ang opisyal nga pagbukas sa Hudyaka ZaNorte Festival 2023.
Si Atty. Ang, kasamtangang Provincial Tourism Officer/tigpamaba usab ni Governor Jalosjos/Head Coordinator sa Ayuda Program Ni Nanay Nene, mipabati sa iyang mainiton pagpasalamat sa tanan ilabina sa mga mga mayor uban sa mga SB members niini lakip na ang mga opisyales sa mga kabarangayan nga wala nagmakuli sa pagsuporta sa dako nga kalihokan sa probinsya.
Gibutyag usab ni Atty. Ang ang iyang dako nga kalipay tungod kay daghan nga mga ginagmay nga negosyante ang nakapahimulos sa maong kalihokan. Sanglit gikalipay sa mga vendors tungod kay libre kining nakapamaligya kon walay rental gisingil tungod kay tinguha ni Nanay Nene nga makatabang usab sa mga vendors bisan sa ginagmay nga pamaagi.
(Source: Provincial Information Center ZaNorte Facebook page)