Misalmot sa kasaulogan sa Ika-32 nga Crime Prevention Month ang nagkadaiyang mga kawani sa Gobyerno nga gipuno pinaagi sa kahulugan gihimo nga atol sa Flag Raising ceremony niadtong Septiyembre 1,2026 nga nagpakita sa padayon nga paglambo, panaghiusa, ug kinasingkasing nga pag-alagad sa katawhan sa tibuok lungsod.
Gipangulohan kini sa Mayor sa Labason nga si Mayor Jelster Ed T. Quimbo, ug gitambongan sa mga Opisyal sa Barangay gikan sa 20 ka barangay sa Labason, mga kawani sa nasudnong ug lokal nga kagamhanan, mga pangulo sa relihiyon, mga organisasyon sa katilingban, ug mga sakop sa kasundalohan.
Ang maong kalihokan nagtimaan usab sa pagsugod sa Ika-32 nga kasaulogan sa Crime Prevention Month,nga gipangulohan sa PNP-Labason ubos ni PMAJ Pocholo Rolando C. Guerrero. Gipasiugda niini nga ang kalinaw, kahusay, ug kaluwasan sa lungsod responsibilidad sa matag usa busa gikinahanglan ang panagtabangay ug aktibong pag-apil sa tanan.
Ang Seremonya sa Bandila gipangulohan sa Municipal Tourism Office, uban ang tabang sa mga kawani sa BFP-Labason.
Human sa seremonya, gipresentar sa BFP Region IX ang Plake sa pag-ila kang Mayor Quimbo ug kang Barangay Captain Hon. Rossel B. Delina sa Malintuboan. Gihatag kini isip pagpasalamat sa ilang dakong suporta ug natampo sa malampusong pagpadagan sa Labason Municipal Fire Sub-Station nga nahimutang sa maong barangay.
Gitapos ang kalihokan pinaagi sa motorcade sa tibuok lungsod aron ipaabot sa matag taga-Labason ang mensahe sa kaluwasan, paglikay sa krimen, ug kahinungdanon sa panaghiusa.(MEDALYN U. BORJA)
Source: Labason Municipal Tourism