Opisyal nga gipasidunggan sa tibuok Bureau of Fire Protection (BFP) Zamboanga del Norte ang tibuok 27 ka tuig nga matinud-anon ug walay puas nga serbisyo sa usa ka opisyal sa BFP nga si SFO4 Arnel C. Ladag,kinsa mao ang nagtindog isip Acting Municipal Fire Marshal sa Manukan Municipal Fire Station diin ang makahulugong seremonyas sa pagpasidungog gipahigayon niadtong Septyembre 1, 2026 sa Valdia Gardens, Sicayab, Dipolog City.
Gipakita sa tibuok kalihokan ang dakong pagtahod sa iyang tibuok panahon sa serbisyo. Gipabasa ang opisyal nga Retirement Order, Awarding of Medalyang Paglilingkod( Service Ward) , Honorary Badge , ug ang pagbasa usab sa Citation for the Retirement Badge nga haom sa pag-ila sa iyang propesyonal nga kinaiya, pagkamatinud-anon, ug kanunay nga pagtuman sa katungdanan alang sa katawhan.
Sa samang higayon,gipakita usab ang mga hulagway sa iyang tibuok tahas sulod sa BFP, kauban ang mga mensahe sa pasalamat gikan sa iyang mga kauban.
Dugang pa,gipadayag usab ni FSUPT RICHARD C. TIMOSA, DSC, Acting Provincial Fire Marshal, ang dakong natampo ug bililhong serbisyo ni SFO4 Ladag sa tibuok 27 ka tuig.
Kauban sa iyang pamilya, mga suod nga higala, ug mga kauban sa serbisyo, gitapos ni SFO4 Ladag kini nga yugto sa iyang kinabuhi uban ang dungog ug kadungganan.
Nabilin dili lamang ang iyang mga nahimo kundili ang maayong panig-ingnan sa dedikasyon ug tinuod nga pag-alagad alang sa kaluwasan sa publiko.
Sa iyang pagsugod sa bag-ong dalan gawas sa serbisyo, ang tibuok BFP Zamboanga del Norte nagpahayag sa kinasingkasing nga pasalamat ngadto kaniya.(MEDALYN U. BORJA)
Source: BFP R9 Zamboanga del Norte