Sa kapin o kulang 11:45 AM sa Hunyo 12, 2023, ang mga personahe gikan sa MDRRMO ang ni-report sa Sergio Osmeña Police ug nibutyag nga dunay mitaho sa ilang buhatan nga adunay napalgang patay nga lawas sa Barangay Marapong ning maong lungsod ug adunay samad dinunggaban.
Diha-diha, ang PNP personnel sa Sergio Osmeña gipangulohan ni PMSg Renante O. Bersales, Duty investigator kauban ang RHU Osmena, mipaingon sa Brgy Marapong, Sergio Osmena, nga may 24 kms ang gilay-on gikan sa Sergio Osmena proper.
Ang maong dapit lisod kaayo nga dalan, motabok pa sa pipila ka suba ug no signal, sakay sa military jeep aron mapamatud-an ang katinuod sa gitaho nga insidente.
Sa inisyal nga imbestigasyon nga gihimo, nasayran nga ang biktima GENEVER PALA y RIUZ, 39 anyos, lalaki may live-in partner, mag-uuma, ug residente sa Purok 1, Brgy. Marapong, Sergio Osmeña, Zamboanga Del Norte.
Ang live-in partner giila nga si Nelly Fernandez Segovia, 34 anyos, babaye, housekeeper, residente usab sa nasangpit nga lugar nanihapon alas 7:00 sa gabii sa Hunyo 11, 2023 nga iyang nabantayan nga nangluspad ang iyang kapikas.
Human nangaon nangatulog silang duha apan ang naulahi nag-obserbar sa iyang live-in partner hangtod nga nakatulog ug mikatulog usab pagkahuman.
Sa kapin o kulang alas 4 sa buntag sa Hunyo 12, 2023 siya nakamata ug gi check ang iyang kauban ug nahibaw-an nga naghigda siya og nagkadugo ug bugnaw na kini sa iyang paghikap.
Gibutyag pa niya nga nakit-an usab niya ang ilang kutsilyo sa kusina tupad sa iyang kapikas nga gituhuan nga maoy gigamit pagdunggab sa makausa sa iyang dughan.
Sa pag-abot sa PNP personnel uban sa RHU, ang biktima gideklarar nga patay na ni Ryan Roy M. Camarillo – RHU Sergio Osmena Personnel.
Imbestigasyon nibutyag nga walay foul play sa nasangpit nga insidente ug ang iyang live-in partner kombinsido nga kini usa ka insidente sa paghikog.
Ang bangkay gi-turn-over sa iyaha immediate family para sa saktong disposisyon.
(Source: PNP Zamboanga del Norte)