Human nag-indigay sa katahum ang 15 ka mga kandidata sa Mutya sa Polanco 2022, gi-koronahan niini ang representante sa DepEd Polanco III District.
Si Kaye Danica B. Firolino maoy People’s Choice Award, Special award ug maoy pinakataas nga nakakuhag puntos nga nahimong Mutya sa Polanco 2022.
Nahimo usab nga basehan sa kadaugan niini ang pag-likes ug reactions sa hulagway.
Samtang si Hannah Bernadette B. Locquiao sa Barangay Dansullan ug New Sicayab maoy 1st runner up ug si Edellerose P. Cagbabanua sa DepEd Polanco II Elementary ang 2nd runner up sa Mutya sa Polanco 2022.
Kahibaloan nga usa ka semana ang kalihukan sa naasoyng lugar subay sa pagsaulog sa ika-71 nga pagkahimugso sa Polanco, subay sa panultihon ni Mayor Olvis nga Padayon sa Paglambo Polanco: Lungsod ko, Pinangga ka!!!
(Source: Provincial Information Center Zanorte Facebook page)
