Gipakusgan sa Municipal Government of Mutia ang pagpangita og mga oportunidad alang sa lokal nga kalamboan human pormal nga nakigsabot kini sa Philippine International Trading Corporation (PITC) pinaagi sa usa ka Memorandum of Agreement o MOA, niadtong Septiyembre 16,2026.
Pormal nga gipirmahan ang kasabutan niadtong Septiyembre 14, 2026 sa Makati City ni Mayor Lorrymir S. Adasa ug Mary M. Tong, President ug CEO sa PITC.
Pinaagi sa maong partnership, gitinguha sa lokal nga pangagamhanan nga mapalapad ang institutional collaboration ug masuta ang mga oportunidad nga mahimong makatampo sa malungtarong pag-uswag sa Mutia.
Gilauman usab nga ang kooperasyon makatabang sa pagpalig-on sa mga inisyatiba nga gitumong sa kaayohan sa mga Mutiaanons ug sa dugang nga pag-abli sa mga oportunidad alang sa komunidad.
Gipakita sa LGU Mutia nga ang pakigtambayayong sa nagkalain-laing institusyon usa sa mga lakang aron mapadayon ang mga programa ug inisyatiba nga makatubag sa panginahanglan sa katawhan ug makapalig-on sa lokal nga ekonomiya.
Ang kasabutan nagtimaan usab sa dugang nga paningkamot sa lokal nga pangagamhanan sa pagpangita og mga partner nga makatampo sa tumong niini alang sa Bag-ong Mutia.(MEDALYN U. BORJA)
Source: Mutia Lgu Mio