Nahimong Host sa gipahigayon nga Joint Expanded Meeting sa Municipal Development Council (MDC), Municipal Peace and Order Council (MPOC), Municipal Anti-Drug Abuse Council (MADAC), ug Municipal Disaster Risk Reduction and Management Council (MDRRMC) ang Munisipyo sa Siayan, Zamboanga del Norte,niadtong Hunyo 30,2026.
Ang maong kalihokan gipangunahan ni Hon. Alberto “Ali” Bongcawel, Mayor sa Munisipyo, nga gisalmotan sa mga kawani sa Sindangan District Jail, ubos sa pagpangulo ni JCINSP ARVIN DAN R AGUITO, Warden, nga girepresentahan ni SJO2 Mary Ann L. Gahum, diin gitumong sa panagtapok mao ang paghiusa sa mga nag-unang stakeholders sa pagpalig-on sa kolaborasyon sa pagdumala, kalinaw ug kahusay.
Ang mga nasangpit nga partisipante ,aktibong miapil sa mga diskusyon ug mipresentar sa mga mahinungdanong kalampusan niini alang sa 2nd quarter, nga nagpasiugda sa ilang pasalig sa kaluwasan, rehabilitasyon, ug pakigtambayayong sa komunidad.
Usa ka pagpakita sa giambitan nga panglantaw alang kaluwasan,kalig-on sa komunidad pinaagi sa panaghiusa ug kooperasyon sa mga inisyatibo batok sa droga, ug pagpangandam sa kalamidad.(MEDALYN U. BORJA)
Source: Sindangan District Jail-BJMPR9