Nagpalig-on sa koordinasyon tali sa mga ahensya sa gobyerno ang gipahigayong miting sa Municipal Peace and Order Council (MPOC), nga nagtumong sa padayon nga pagmintinar sa kalinaw ug kaluwasan sa lungsod.
Gipangunahan ang miting ni Mayor Roberto L. Uy Jr., uban sa pagtambong ni PMAJ Anjelo A. M. D. Acuzar, Acting Chief of Police, kauban ang mga representante gikan sa nagkadaiyang ahensya lakip ang Department of Health (DOH), Department of Trade and Industry (DTI), Bureau of Fire Protection (BFP), ug Bureau of Jail Management and Penology (BJMP), ingon man ang Municipal Local Government Operations Office (MLGOO).
Gihisgutan sa maong miting ang kasamtangang kahimtang sa peace and order, mga nahimong kalampusan sa matag ahensya, ug ang nagkalain-laing isyu ug kabalak-an nga nanginahanglan og solusyon.
Gipasiugda usab ang importansya sa lig-on nga panag-uban ug koordinasyon sa tanang sektor aron masiguro ang kaluwasan sa publiko ug mapadayon ang kalamboan sa lungsod.(IKEN B. GULLEM)
Source: Liloy Municipal Police Station ZNPPO