Temporaryong trabaho ug sweldo na ang naghulat sa 43 ka benepisyaryo sa Tulong Panghanapbuhay sa Ating Disadvantaged Workers (TUPAD) sa siyudad, nga nakatapos sa gipahigayong orientasyon niadtong Abril 28 sa Government Center.
Gipahigayon ang kalihokan sa Department of Labor and Employment (DOLE), nga gipangunahan ni Senior Labor and Employment Officer Megajane S. Ligutom.
Sugod sa Mayo 4, opisyal nang i-deploy ang unang batch sa mga benepisyaryo alang sa 45 ka adlaw nga trabaho, diin makadawat sila og P439 nga minimum nga sweldo matag adlaw.
Ang programa naghatag og panarbaho sa mga displaced ug disadvantaged workers, samtang makatampo sila sa mga proyekto sa komunidad sama sa pagpanglimpyo ug pagmintinar sa palibot.
Sumala sa City Government of Dapitan pinaagi sa Public Employment Service Office (PESO), padayon ang ilang paningkamot sa paghatag og konkretong suporta sa mga Dapitanon nga nanginahanglan og panginabuhi.(IKEN B. GULLEM)
Source: City Government of Dapitan