Usa ka aksidente sa sakyanan ang nahitabo sa National Highway sa Sitio Mauswagon, Barangay Gunyan, Siayan, Zamboanga del Norte alas 5:30 sa hapon niadtong Hulyo 14, 2023.
Kini naglambigit sa usa ka Motoposh Pinoy 125 nga motorsiklo nga gimaneho ni Mario Antic Mendoza, 49 anyos, minyo, Brgy. Tanod, ug MV bus nga gimaneho ni Alexander Caburnay Narciso Jr, 34 anyos, minyo, driver sa rural transit.
Sa inisyal nga imbestigasyon nasayran nga ang motorsiklo gikan sa Brgy. Soguilon, Siayan ug padulong unta sa Brgy. Gunyan.
Sa pag-abot sa lugar nga nahitaboan, ni-overtake ang nasangpit nga bus sa laing motorsiklo hinungdan nga aksidenteng nabanggaan niini ang Motoposh nga motorsiklo nga nakaingon sa kadaot sa bus ug diha-diha namatay ang drayber sa motorsiklo samtang ang drayber sa bus ug tanang pasahero wa maunsa.
Ang patayng lawas sa drayber sa motorsiklo gi-turn-over sa iyang pamilya samtang ang motorsiklo ug ang bus ug ang drayber niini anaa na sa kustodiya sa Siayan Municipal Police Station alang sa tukmang disposasyon.
(Source: PNP ZamPen)