Nabalintong ang usa ka motor rider human kini gigukod sa polis didto sa Barangay Sta. Filomena ning dakbayan sa Dipolog, karong bag-o pa lamang.
Ang driver sa motorsiklo gikataho nga wala magsul-ob ug helmet hinongdan nga siya gipara dihang nilabang sa police checkpoint.
Sa dihang gisuwayan ug para ni PSsgt. Moroscallo, ang driver wala mohunong, hinoon giaksyonan ug dasmag ang police nga nibabag.
Gigukod sa police ang driver nga nipasirit ug padagan sa iyang motorsiklo diin kini matud pa nabalintong paghiabot sa unahan.
Ang driver gisikop sa otoridad ug gi pasakaan ug patong-patong nga kaso tungod sa wala niini pagrespito sa gipahigayong checkpoint.
(Source: Dipolog Balita Express Facebook page)