Nasikop sa mga operatiba sa Dapitan City Police Station ang usa ka 38-anyos nga lalaki pinaagi sa service of warrant of arrest didto sa Barangay Dawo, Dapitan City, Zamboanga del Norte niadtong nilabayng adlaw. Ang suspetsado giakusahan sa duha ka kaso sa Statutory Rape nga walay girekomendang piyansa.
Ang operasyon gipangulohan sa Dapitan CPS isip kabahin sa ilang padayon nga kampanya batok sa mga wanted persons sa syudad.
Gihangyo sa kapulisan ang publiko nga magpabilin nga mabinantayon ug ipahibalo dayon sa mga otoridad kung adunay makita nga mga kadudahang kalihokan aron mapreserbar ang kalinaw ug seguridad sa komunidad.(JENIFFER JR. DELICA)
Source/Photo Courtesy: Dapitan City Police Station ZNPPO