Usa ka imbestigasyon ang gihimo karon sa mga personahe sa Misamis Occidental Police Provincial Office (MOCPPO) kabahin sa usa ka viral video nga naglambigit sa usa ka pulis nga nadestino sa Sapang Dalaga Municipal Police Station nga nakita sa video nga naggunit ug nagtion og armas atol sa usa ka insidente nga nahitabo mga alas 8:30 sa gabii niadtong Hunyo 21, 2026 didto sa Barangay Antipolo, Dapitan City, Zamboanga del Norte.
Tungod sa insidente kasamtangang gi-relieve ang nasangpit nga pulis ug gipaubos sa restrictive custody sa Police Provincial Office, ug gi-dis-armahan samtang naghulat sa resulta sa imbestigasyon.
Matod sa MOCPPO dili pagatugotan sa ilang buhatan ang bisan unsang matang sa dili maayong pamatasan, pag-abuso sa awtoridad, o iresponsableng pagdumala sa mga armas.
Sa pagkakaron,padayon pa ang imbestigasyon aron matino ang mga sirkumstansya nga naglibot sa insidente, ug ang angay nga mga administratibo ug kriminal nga mga kaso ipahamtang batok sa mga personahe sa PNP nga nakalapas sa kasamtangang mga balaod, lagda, ug regulasyon.
Gipasalig sa MOCPPO ang publiko ang mga butang sa pagtratar alang sa labing seryoso ug patas nga pagtagad alang sa kaayohan sa Publiko ug nagpabilin nga komitado sa pagadayon sa labing taas nga mga sumbanan sa propesyonalismo, disiplina, ug pagkamay-tulubagon ug sigurohon nga ang hustong proseso gisunod samtang ang angay nga mga aksyon ipahigayon base sa imbestigasyon nga gihimo.(MEDALYN U. BORJA)
Source: MOCCPO