Gidool ngadto sa mga mag-uuma sa lubi ang Mobile Health Services pinaagi sa Department of Agriculture–Philippine Coconut Authority aron masiguro nga makadawat sila og hinungdanong serbisyong pangkahimsog ubos sa Coconut Farmers and Industry Development Plan.
Gipahigayon ang aktibidad sa municipal gym diin mitambong si Governor Darel Dexter Uy ug Mayor Lorrymir S. Adasa. Ilang gihatagan og bili ang papel sa mga mag-uuma ug gidasig sila sa padayong kooperasyon alang sa mas lig-on nga sektor sa pag-uma.
Nagpabilin ang tumong sa DA-PCA ug LGU nga suportahan ang mga mag-uuma pinaagi sa paghatod sa serbisyo nga duol nila, aron matukod ang usa ka mas himsog, mas kusgan, ug mas suportadong komunidad sa pag-uma.(JENIFFER JR. DELICA)
Source: Mutia LGU Mio