Andam na ang Dipolog City sa pag-host sa PFF U16/U19 Boys National Championship 2025 Regional Qualifier nga ipahigayon sa Pebrero 6, 7, ug 8, 2026. Gisugdan ang preparasyon human sa coordination meeting nga gipangunahan sa Philippine Football Federation aron masiguro ang hapsay nga dagan sa kompetisyon.
Mitambong sa miting ang mga representante gikan sa nagkalain-laing regional football associations lakip ang Zamboanga del Norte–Dipolog Regional Football Association, Misamis Occidental–Ozamiz Football Association, Zamboanga, Basilan, Sulu, ug Tawi-Tawi Football Association, ug Pagadian–Zamboanga del Sur–Sibugay Regional Football Association. Nangulo sa koordinasyon sila PFF Competition Department Head Ritchie Gannaban, Match Commissioner Mark Baldo, ug NORFA Referee Assessor Jeffry Velez, kauban ang lokal nga mga tig-organisa.
Gilauman nga magtapok ang mga batan-ong talento sa football gikan sa nagkalain-laing probinsya sa rehiyon, nga magpalig-on sa grassroots football programs ug maghatag og dugang oportunidad sa pagpalambo sa isport sa Mindanao.(JENIFFER JR. DELICA)
Source: Dipolog City Government