Nagpasalamat ang lokal nga panggamhanan sa Gutalac human makadawat ang 64 ka estudyante nga benipisyaris sa gipahigayong educational assistance sa Mamamayang Liberal (ML) Partylist ilalom sa pagpangulo ni Representative Leila M. De Lima, kaniadtong Oktubre 26, 2025, alang sa mga estudyanteng Gutalacnon.
Ang maong pay-out usa ka porma sa pagtinabangay aron masuportahan ang mga kabatan-onan sa ilang pag-eskwela ug mapalambo ang edukasyon sa munisipyo. Ang inisyatibo naghatag dakong kahayag sa mga estudyante nga nagtinguha nga makab-ot ang ilang mga pangandoy.
Si Mayor Eddie Justin Quimbo nagpahayag sa iyang dakong pagpasalamat sa ML Partylist, uban sa suporta sa Sangguniang Bayan nga gipangulohan ni Vice Mayor Aljohn M. Garzon, alang sa ilang padayon nga pagpaningkamot sa pagpasiugda sa edukasyon ug kabatan-onan. Gipasalamatan usab niya si 3rd District Representative Hon. Ian Amatong tungod sa iyang walay puas nga pagpaningkamot ug pagtabang sa mga Gutalacnon.
Pinaagi sa maong paningkamot, nagpadayag ang LGU–Gutalac sa ilang padayon nga pakig-alayon sa ML Partylist ug sa mga kaalyado niini aron makab-ot ang usa ka mas maalamon, malambuon, ug malig-on nga komunidad.(Iken B. Gullem)
Source: LGU Gutalac- Public Information