Nagkatigom ang mga miyembro sa Dapitan City Marine Protected Area Network (DCMPAN) uban sa Department of Environment and Natural Resources (DENR) IX ug Community Environment and Natural Resources Office Piñan alang sa ilang First Quarter Management Board Meeting nga gipahigayon sa Bajamunde Farms Pension Hall sa Dapitan City.
Gipangunahan ni CLGOO Monette S. Ruaya-Ahmad ang maong tigom nga nagtutok sa paghimo og mga polisiya ug pagsulbad sa nag-unang mga isyu nga nakaapekto sa mga marine sanctuary sa siyudad. Mitambong sa maong kalihokan ang nagkalain-laing ahensya ug sektor lakip ang Philippine National Police Maritime Group, Philippine Coast Guard, Bureau of Fisheries and Aquatic Resources (BFAR), City Agriculture Office, Jose Rizal Memorial State University (JRMSU), ug mga lider sa coastal barangays.
Gilaraw sa board ang 2026 work plan nga nagpalig-on sa conservation ug protection efforts, lakip ang updated boundary mapping ug habitat assessment aron masiguro ang tukmang pagdumala sa protected zones.
Gihisgutan usab ang draft ordinansa alang sa Greenbelt Zones ug regulasyon sa fish cages sa Brgy. San Pedro, samtang gipresentar ang water quality findings aron mamonitor ang kahimtangan sa ekosistema.(IKEN B. GULLEM)
Source: City Government of Dapitan