Opisyal nga giturn-over niadtong Pebrero 27, 2026 ang Multi-Purpose Grain Solar Drying Trays ngadto sa Kayok Farmers’ Association sa usa ka seremonyas nga gipahigayon sa Barangay Kayok.
Gipangunahan ang kalihokan sa R-PSB Team ubos sa liderato ni PLTCOL Edwin D. Verzon, Force Commander sa ZN 2nd PMFC, inubanan ni Hon. Neil A. Estimo, Barangay Chairman sa Kayok.
Kini nga mga solar drying trays, nagkantidad og Php 109,500.00, ug nahimo pinaagi sa suporta sa Department of Science and Technology (DOST). Gidisenyo kini aron masiguro ang limpyo, luwas, ug episyenteng pagpauga sa humay ug uban pang produktong agrikultural, samtang malikayan ang kontaminasyon gikan sa abog ug uban pang hugaw sa palibot.
Gilauman nga pinaagi sa maong kagamitan, mapauswag ang kalidad sa ani, madugangan ang produktibidad, ug mapalambo ang oportunidad sa kita sa mga mag-uuma sa maong barangay.(IKEN B. GULLEM)
Source: Zamboanga del Norte 2nd PMFC