Nakadawat sa ilang ikaduhang quarter nga social pension ang mga kwalipikadong senior citizens sa Lungsod sa Rizal atol sa Social Pension Pay-Out nga gipahigayon sa Perfecto C. Cebedo Cultural and Sports Center.
Ang maong ayuda alang sa mga bulan sa Abril hangtod Hunyo 2026 nagtumong sa paghatag og pinansyal nga suporta aron matabangan ang mga tigulang sa ilang adlaw-adlaw nga panginahanglan ug mapalambo ang ilang kahimtang sa panginabuhi.
Padayon nga gipalig-on sa Lokal nga Pangagamhanan sa Rizal ubos sa liderato ni Mayor Marissa D. Manigsaca ang suporta sa mga programa alang sa mga senior citizens pinaagi sa pakigtambayayong sa mga nasudnong ahensya aron masiguro nga ang mga angayng benepisyaryo makadawat sa serbisyo sa gobyerno.(JENIFFER JR. DELICA)
Source: Municipality of Rizal