Gipaduol na usab sa lokal nga pangagamhanan sa Siayan ang mga serbisyo sa gobyerno ngadto sa mga residente sa Barangay Gonayen,Siayan Zamboanga del pinaagi sa Barangay Visitation Serbisyo Caravan 2026, niadtong Septiyembre 11,2026.
Kabahin sa gipanghatag ang rice subsidy, AKAP ug LGU-POF assistance, Pakaon sa Masa, relief goods ug document assistance, aron matubag ang pipila sa panginahanglan sa mga pamilya sa barangay.
Gipangulohan ang kalihokan ni Mayor Alberto J. Bongcawel, kauban si Atty. Crisologo A. Decierdo, mga miyembro sa Sangguniang Bayan ug personnel sa LGU-Siayan.
Pinaagi sa maong programa, gipasiugda sa lokal nga gobyerno ang prinsipyo nga ang serbisyo publiko dili lamang hulaton sa munisipyo, kondili kinahanglan mismo nga dad-on ngadto sa komunidad.
Gilauman nga magpadayon ang paglibot sa nagkadaiyang barangay aron mas daghang Siayanon ang maabot sa mga programa ug ayuda sa lokal nga pangagamhanan.(MEDALYN U. BORJA)
Source:SikatSiayan