Mas gipakusgan sa lokal nga pangagamhanan sa Sindangan ang kampanya batok sa HIV, STI ug Hepatitis B, human pormal nga gi-institutionalize ang Municipal HIV/AIDS Core Team ug gitudlo ang usa ka opisyal nga manguna sa maong mga programa kaniadtong Septiyembre 11,2026.
Pinaagi sa Executive Order No. 018,Series of 2026,gitukod ang Municipal HIV/AIDS Core Team o HACT,nga maoy mahimong mekanismo sa mas organisado ug hiniusang pag-atubang sa mga isyu kalabot sa HIV/AIDS sa lungsod.
Samtang, pinaagi sa Executive Order No. 017, Series of 2026, gitudlo si Ms. Marlou Joseph P. Magtajas isip Municipal HIV, STI and Hepatitis B Program Coordinator.
Ang duha ka executive orders gipirmahan sa Mayor sa Sindangan nga si Mayor Glona G. Labadlabad, nga nagtumong nga himuong mas lig-on ug permanente nga kabahin sa health agenda sa munisipyo ang mga programa batok sa maong mga sakit.
Personal nga nadawat ni Magtajas,uban si Ms. Vivian D. Sagario, ang orihinal nga mga dokumento gikan kang Municipal Legal Officer Atty. Victoria Manjaal sa Mayor’s Office alang sa nilagdaan nga dokumento.
Gilauman nga ang bag-ong polisiya makatabang sa pagpalig-on sa koordinasyon, information drive ug mga serbisyo alang sa HIV, STI ug Hepatitis B sa nagkadaiyang sektor sa komunidad.(MEDALYN U. BORJA)
Source: RHU Sindangan