Nagmabulukon ang bag-o lang natapos nga Pogsolabok Festival 2026 sa Baliguian, Zamboanga del Norte isip selebrasyon sa ika-45 nga Founding Anniversary o kasumaran sa lungsod niadtong Septiyembre 11,2026.
Gipasiugda sa maong kalihokan ang lokal nga kultura, tradisyon ug mga talento sa mga Baliguianon, samtang gipakita usab ang panaghiusa sa komunidad pinaagi sa nagkadaiyang pasundayag ug mga kalihokan nga kabahin sa selebrasyon.
Dili lamang kalingawan ang nahatag sa festival, kondili nahimo usab kining higayon aron mapalig-on ang garbo sa mga lumulupyo sa ilang identidad, kultura ug kasaysayan isip usa ka komunidad.
Sa pagtapos sa selebrasyon, gipasalamatan ang mga opisyal, partisipante,organisasyon ug mga residente nga mitampo aron mahimong malampuson ang maong kalihokan.
Ang selebrasyon karong tuiga nagdala sa tema nga “45 Years of Culture, Unity, and Progress”, nahimong pahinumdom nga ang Pogsolabok Festival nagpasabot sa kalamboan sa Baliguian nga mas lig-on pinaagi sa pagpreserbar sa kultura ug pagtinabangay sa katawhan.(MEDALYN U. BORJA)
Source: LGU Baliguian